TOPICAL · MONTHLY
Revolution Plus
滴頸式寄生蟲控制，適合本身用開月度外用方案嘅家庭。
落單前先確認最新體重，同埋最近有冇用過其他驅蟲產品。
購買 Revolution Plus →CAT CARE · HONG KONG
香港2026貓咪驅蟲完整指南｜室內貓、外出貓點樣揀？
驅蟲唔係「室內就唔使做」或者「每三個月一定啱晒所有貓」。幼貓、會出街、食生肉、多貓家庭、曾有跳蚤／寄生蟲史，風險同需要都唔同；最好用年齡＋生活方式決定。
RISK FIRST
唔好先問「邊隻藥最好」
- 幾多個月／幾多 kg？
- 純室內定會出街？
- 有冇其他貓狗？
- 食唔食生肉／會唔會捉蟲？
- 上次驅蟲／糞檢幾時？
幼貓驅蟲比成年貓密，原因係早期暴露風險同生命週期
CAPC 建議幼犬幼貓可由約 2 星期大開始針對常見腸道寄生蟲處理，早期每 2 星期重複至進入規律廣效寄生蟲控制；如果冇全年控制計劃，常見框架係早期密集、之後逐步拉長。實際產品必須跟年齡、體重同獸醫指示。
唔好自己套一個「所有貓每三個月」公式。
唔同藥覆蓋嘅蟲種、最低年齡／體重、劑量同頻率都唔一樣；尤其幼貓唔應該用成年貓產品估份量。
室內貓點解都可能有寄生蟲？
鞋底、衣物、其他寵物、跳蚤、昆蟲、未熟肉類、陽台／走廊接觸，都可以令「唔落街」唔等於完全隔絕。風險可以低，但唔係零。
INDOOR
純室內、單貓
可以同獸醫按實際風險設計較簡化計劃，同時定期糞便檢查。
MULTI
多貓／新貓加入
共用砂盆、互相舔毛會增加管理複雜度；最好新貓入屋前先整理驅蟲／檢查資料。
OUTDOOR
外出／生肉／捉蟲
寄生蟲暴露風險通常更高，控制計劃亦會更積極。
體內驅蟲、體外驅蟲其實處理緊唔同問題
| 類型 | 常見例子 | 你會點發現 |
|---|---|---|
| 腸道寄生蟲 | 蛔蟲、鉤蟲等 | 腹瀉、嘔吐、體重差、腹部鼓；亦可以完全冇明顯症狀。 |
| 絛蟲 | 部分可同跳蚤攝入有關 | 肛門／糞便附近見到似米粒節片；亦可無明顯病徵。 |
| 跳蚤 | 體外寄生蟲 | 痕、過度舔毛、皮膚粒粒、黑色 flea dirt；少量時可以好難見到成蟲。 |
| 蟎等 | 耳蟎／其他蟎類 | 耳垢、痕、甩毛等，要由獸醫確認種類先處理。 |
糞便檢查點解仍然有用？因為「食咗驅蟲藥」唔等於知道有冇感染
CAPC 建議第一年可做較頻密糞便檢查，成年後按健康同生活風險定期做。藥物預防同檢查係兩件事：一個係控制風險，一個係搵現時證據。
如果長期軟便、反覆嘔吐、體重唔升、肚脹或者多貓家庭輪流腹瀉，唔好只係不停轉驅蟲藥；應該俾獸醫做針對性檢查。
貓用寄生蟲藥唔可以隨便同狗用產品互換
產品安全係驅蟲最重要部分之一。部分狗用成分對貓可以有嚴重毒性；滴頸藥亦要按實際體重同產品標示。屋企有狗有貓時尤其要分清。
出現流口水、震、抽搐、極度無力等異常，立即求醫。
帶埋產品包裝／成分俾獸醫睇，會比淨係講「滴咗驅蟲」有用。
常見貓用驅蟲產品比較
體外同體內驅蟲覆蓋範圍唔同。下面將幾款香港常見產品放埋一齊，比較成分、使用方式、主要覆蓋方向同大概價位。
COMMON COMBINATION
室內貓常用配搭｜Revolution Plus + Drontal Cat
查看產品 →
Revolution Plus 以每月滴頸方式處理多種常見體內外寄生蟲；Drontal Cat 就針對常見腸道寄生蟲。實際使用頻率同劑量要按體重、生活模式、最近用藥紀錄同獸醫建議調整。
兩款 Meowofjen 有售｜比較完，可以直接喺呢度買
下面兩款係 Meowofjen 實際常備產品。每張產品卡最下面都有「立即購買」按鈕，會直接去訂購表格。第一次用、轉產品、幼貓體重未穩定，或者唔肯定之前用過咩，就先問清楚再落藥，避免成分重複。
ORAL · INTESTINAL WORMS
Drontal Cat（拜寵清）
口服體內驅蟲藥，主要用於常見腸道寄生蟲控制。
舊版用量參考為 1 粒 / 4kg；實際使用仍要按包裝、貓咪體重及獸醫／產品指示確認。
購買 Drontal Cat →Meowofjen 接貓後：第一個月先整理「上次幾時做」
新主人最常見唔係完全唔驅蟲，而係唔記得上次日期／用咗咩，結果重複或者拖太耐。接貓時先記清目前紀錄，再同你獸醫決定之後方案。
實際做法：記低日期、產品名、體重同下一次予定；多貓家庭每隻分開記，唔好用「大概全部差唔多」管理。
每隻貓嘅驅蟲紀錄，跟返同一個 profile。
Mewday 係 Meowofjen 嘅手機貓咪照顧工具。疫苗、驅蟲、健康、體重同飲食資料可以集中喺同一隻貓嘅 profile；由 Meowofjen 接貓，我哋亦會先幫你輸入基本資料。
常見問題
室內貓係咪完全唔需要驅蟲？
唔應該一概而論。純室內風險通常低啲，但仍會受家庭、其他寵物、食物、跳蚤暴露等影響。
見唔到蟲係咪代表冇？
唔係。好多腸道寄生蟲感染唔會肉眼見到成蟲，糞便檢查先有助判斷。
驅蟲之後有少少軟便正常嗎？
個別貓可能有腸胃反應，但持續腹瀉、嘔吐、精神差、神經症狀唔應該當正常，應聯絡獸醫。
資料來源與下一步
以下係一般教育資料；疫苗、驅蟲、飲食、絕育或任何醫療安排仍應按你隻貓嘅年齡、健康、生活方式同獸醫評估調整。
最後更新：2026-08-24